Dahil sa naglabas na ng Press Release si Rhea ay maglalabas na rin ako ng aking opisyal na pahayag tungkol sa nabanggit na pangyayari.
Rhea, alam mong matindi ang skills ko sa pagbabackread at pwede akong magbigay ng mga screenshots dito sa kung paanong napunta ka sa pagdedesisyon na magpa-book ng ticket pa-Cebu. Pero sige gagawin ko lang na mild ‘to at ‘di na kita gagamitan pa ng Exhibit B laban sa’yong Exhibit A.
Nagsimula ang lahat ng conversation sa GC dahil sa nalalapit na TFIOB Climb. Marami talagang naging side stories ang paghahanda sa pag-akyat na ‘yun. And’yang napasok ang pagdefine ng “EFFORT” para sa kagustuhan ng isa na maisama ang isang blogger from Cebu sa climb. At and’yang naging close si Rhea at si Mr. R. Sa bilis ng pangyayari ay nagulat na lang akong may nagpapabook na ng ticket pa-Cebu. Iniisip ko kung dahil lang sa puyat kaya nakagawa si Rhea ng desisyon na magbook. O dahil lang sa kagagaling lang n’ya sa matinding presentation sa work. Naka-ilang backread talaga ako kung saan nagmula ang ideya ng pagpunta ng Cebu. Pero dahil sa maunawain naman akong kaibigan ay hinayaan ko s’ya sa gusto n’yang gawin. Na-meet ko na si Mr. R nung Meetup sa Cebu at masasabi ko namang mabuti s’yang tao. Sino ba naman ako para pigilan sila sa kaligayahan nila.
January 31, naganap ‘yun.
February 2 na s’ya nagtanong ng: “Is he a she? Hahaha”.
Sobrang natatawa talaga ako nung nagtanong s’ya.
Opposite gender. Overnight. Alone. Akala ko ay nasa stage s’ya ng trying new things pero opposite gender? overnight? alone? Nandu’n pa rin ako sa stage na umaasang matauhan s’ya sa mga ginagawa n’ya. Pero dahil sa mabuti akong kaibigan at ang gusto ko lang ay ang kaligayahan n’ya eh hinayaan ko na kahit pa pinagsalubong n’ya ang mga kilay ko sa mga pinaggagawa n’ya. #Nojudgementzone kami so sige bahala s’ya. Na nabigyang liwanag nung nagtanong na s’ya. Akala n’ya pala ay bading si Mr. R. Though ‘di agad ‘yun bumenta sa akin na paliwanang sa impulse booking ay eventually tinanggap ko na.
Hanggang February 5 ay ‘di pa rin s’ya kumbinsido sa sagot kong “tunay na lalaki” si Mr. R. (So sa mga gustong maging instant close sa kanya, alam n’yo na ang shortcut, be gay.)
At ‘eto na si Rhea in her different strategies sa pagpapasaklolo.
Painggit Mode: Nararamdaman kong gusto niyo din sumama ni Jeff. Maiinggit ka sige ka. hahaha. ‘Pag si Jeff nagbook bigla mamatay ka sa inggit. Bwahahahaha.
Dramatic Mode: Besh naisip ko lang bigla. Baka masyado akong pabigat/pabebe regarding Cebu trip. Baka hindi talaga kayo pwede or wala talaga sa timing. Syempre masaya ako kung kasama ko kayo dun. Clingy ako sa inyo eh. Pero kung cannot be talaga eh tingin ko kakayanin ko naman. What do you think? Para kong nag-eemote. Wahahah. Pero serious ‘to ha. Feeling ko lang nahahassle kayo sakin.
Hahahahahahahaha.
In between ay nagkaroon na rin kami ng pag-uusap ni Jeff na kung ‘di n’ya magagawang sumama sy panatag na s’ya kung masasamahan ko si Rhea. Pero at the end ay nauna pa s’yang magbalita na may ticket na s’ya pauwi. Hahahahahhahahaha.
Si Jas naman ay consistent sa pagsasabing sa pagdating ni Rhea ng Cebu ay saka naman s’ya babalik ng Manila para magbakasyon.
Ako? Alam nila na kakasimula ko lang sa bago kong account sa trabaho. Siguro kung magjojowa ako ng from Work Force ay magagawan ng paraan ang schedule ko pero ‘di naman ako gwapo, gentleman ako pero ‘di ako gwapo. Ska kagagaling ko lang ng Cebu nung January, so every other month na ang punta ko ng Cebu? Though may plans ako for Holy Week pero, ang sabi ko nga kay Rhea, ay North ang punta ko. ‘Di ko alam kung gaano s’ya kalakas kay Bathala na nagshift ang mga forces of nature at may mga bagay akong kinailangang ayusin sa Dumaguete, Masbate at Leyte. Nauna pa akong dumating sa kanya sa Cebu.
——————————————-
Do I Believe in the Power of Friendship?
O maniniwala ako sa power of charm at blackmailing at paawa-effect ni Rhea?
At sa kine-claim n’yang grateful kami sa kanya dahil sa pagkakataong magkasama-sama kami…
Parang ayokong aminin hahahhahahahaha but yes.
(Sa susunod na ang other kwento…)
——————————————–
At bago ko tapusin ang blog na ito ay gusto ko munang linawin sa nakikibasa na meron naman talagang gustong i-meet sa Cebu si Rhea bago pa man pumasok sa eksena si Mr. R.
Ito ay video nung January 30, nagpapatunay na nagkita sila ni Mel. Kaya fresh na fresh pa sa isipan n’ya ang kagustuhan n’yang pumunta ng Cebu. Si Mel at Doc Jem talaga ang gusto n’ya i-meet. Okay na, wag na natin s’yang i-judge na si Mr. R ang rason ng pagpunta n’ya ng Cebu.
Ang Aking Imaginary Girlfriend 